YANGA SC NEWS UPDATE
YANGA NI HATARI WANAPOKUWA HAWANA MPIRA : RANGA CHIVAVILO MSHAMBULIAJI KAIZER CHIEFS
Mshambuliaji wa Kaizer Chiefs Ranga Chivaviro amekiri kuwa ubora wa Yanga ikiwa haina mpira ndio imewapa ushindi wa mabao 4-0 wa Toyota Cup uliopigwa Afrika Kusini Jumapili iliyopita
Katika mchezo huo Prince Dube, Aziz Ki na Clement Mzize ndio waliofunga mabao ya Yanga huku mawili yakifungwa na Aziz Ki
Ki alifunga mabao hayo yakiwa ni matokeo ya 'pressing' iliyofanywa na wachezaji wa Yanga na kupelekea walinzi wa Kaizer Chiefs kufanya makosa
Chivaviro alianza katika mchezo huo akiongoza safu ya ushambuliaji ya Chiefs lakini mpaka kocha Nasreddine Nabi anamtoa hakuwa amepiga shuti lolote langoni kwa Yanga
"Ilikuwa ngumu kwetu, ni kama hawakutupa nafasi ya kujipanga wakati tukiwa tuna mpira, walikuwa wanalazimisha haraka tuupoteze uwe chini yao nadhani ndio silaha walioitumia kutengeneza ushindi wao"
"Unajua huu ulikuwa mchezo wetu wa kwanza wa kirafiki wenzetu walionekana kuwa wepesi kuliko sisi ilitufanya tuonekane hatukuwa tayari kukutana nao, nadhani tutabadilika kwakuwa tuko chini ya makocha wapya ambao wanaanza kutupa falsafa mpya," alisema Chivaviro
Yanga ilibeba taji la Toyota Cup baada ya ushindi huo huku Wananchi pia wakikomba zaidi ya shilingi milioni 260
Comments